Psalmus 26 HIDE LINKS TO MANUSCRIPTS
| 1 | David priusquam liniretur Dominus inluminatio mea et salus mea quem timebo bnf11947.44 v Dominus protector vitae meae a quo trepidabo |
| 2 | dum adpropiant super me nocentes ut edant carnes meas qui tribulant me et inimici mei ipsi infirmati sunt et ceciderunt |
| 3 | si consistant adversus me castra non timebit cor meum si exsurgat adversus me proelium in hoc ego sperabo |
| 4 | unam petii a Domino hanc requiram ut inhabitem in domo Domini omnes dies vitae meae bnf11947.45 r ut videam voluntatem Domini et visitem templum eius |
| 5 | quoniam abscondit me in tabernaculo in die malorum protexit me in abscondito tabernaculi sui |
| 6 | in petra exaltavit me et nunc exaltavit caput meum super inimicos meos circuivi et immolavi in tabernaculo eius hostiam vociferationis cantabo et psalmum dicam Domino |
bnf11947.45 v | 7 | exaudi Domine vocem meam qua clamavi miserere mei et exaudi me |
| 8 | tibi dixit cor meum exquisivit facies mea faciem tuam Domine requiram |
| 9 | ne avertas faciem tuam a me ne declines in ira a servo tuo adiutor meus esto ne derelinquas me neque dispicias me Deus salvator meus |
| 10 | quoniam pater meus et mater mea dereliquerunt me bnf11947.46 r Dominus autem adsumpsit me |
| 11 | legem pone mihi Domine in via tua et dirige me in semita recta propter inimicos meos |
| 12 | ne tradideris me in animas tribulantium me quoniam insurrexerunt in me testes iniqui et mentita est iniquitas sibi |
| 13 | credo videre bona Domini in terra viventium |
| 14 | expecta Dominum viriliter age et confortetur bnf11947.46 v cor tuum et sustine Dominum |